ნაცარქექია - დადებითი თუ უარყოფითი პერსონაჟი?

აუცილებლად ყველას გექნებათ წაკითხული ქართული ზღაპარი - "ნაცარქექია", რომლის მთავარი პერსონაჟი - ნაცარქექია - ბევრის თვალში რადიკალურად უარყოფით და ზარმაც პიროვნებად არის ჩამოყალიბებული.
მე შევეცდები ობიექტურად განვსაჯო და სრულიად სერიოზულად აღვიქვა ეს ვითომ სასაცილო ზღაპარი, რადგან მგონია, რომ არც ისე ცოტა აზრი უნდა იდოს მასში და მეტიც, როგორც სხვა ზოგიერთი ზღაპარი, ისიც დიდ სიბრძნეს უნდა ატარებდეს.
დავიწყოთ ზღაპრის დასაწყისიდან, სადაც ნათლად ჩანს თუ როგორ არაფერში ადგება ძმას და ძმის ცოლს ნაცარქექია, რაც ნამდვილად არ არის კარგი და ამის გამო სამაგალითოდ ისჯება, მას სახლიდან აგდებენ, თან კი მხოლოდ გუდით ყველს და მახათს ატანენ.
...და აი აქ იწყება, როგორც ბავშვობაში ვიტყოდით, ნაცარქექიას გმირობები, სადაც იგი ამარცხებს დევებს რამდენიმე ჭკვიანური მეთოდით, საბოლოოდ კი მათ სახლს ეუფლება, თავად დევებს კი მათ ჭკუაზე ატრიალებს ამ დროის განმავლობაში.
...მაგრამ ყველაფერი ასე როდი მთავრდება, ის დგება და მის ძმასა და რძალს ამ სახლში გადმოსვლის უფლებას აძლევს, რაც დამეთანხმებით და, პატიებისა და მიტევების ნიჭსაც ხაზს უსვამს მასში.
ასე და ამგვარად, ნაცარქექიას ზარმაცობის წინააღმდეგ, ასეთ ადამიანად მოიხსენიებენ მისი კრიტიკოსები, შეგვიძლია მოვიყვანოთ მისი გამჭრიახობა, მოხერხებულობა, სიბრძნე და კეთილშობილება.
და ისევ გისვამთ კითხვას - ნაცარქექია უარყოფითი პერსონაჟია თუ დადებითი?